Карта за еден правец

Одведи ме некаде од кај што нема враќање,
со возот на мечтите, на пругите од желби,
подари ми карта за еден правец,
одведи ме некаде од кај што нема враќање.
Не ме прашувај, не, ни дали сакам,
ни дали можам,
слободата подари ми ја сам, без да ти ја барам,
не ме прашувај ниту каде, ниту кога,
се оставам во твои раце,
на твојата совест...
А ти ...
одведи ме некаде од кај што нема враќање,
без каење, без солзи,
само љубов, само страст
да патуваме на возот од воздишки,
на пругите од остварени желби
без каење, без солзи
на место од кај што нема враќање.